حکومه‌تی هه‌رێمی کوردستان

ئه‌نجوومه‌نی وه‌زاره‌تی وه‌رزش و لاوان له‌ كۆبوونه‌وه‌ی رۆژی سێشه‌ممه‌ رێكه‌وتی 25/8/2009 چه‌ند بڕیارێكی گرنگی دا:
- سه‌باره‌ت به‌ پرۆژه‌كانی ژێرخانی وه‌رزشی وه‌زاره‌ت، دووباره‌ جه‌ختكرایه‌وه‌ له‌سه‌ر به‌رده‌وامی ئه‌م پرۆژانه‌ و سه‌ردانی به‌رده‌وام بۆ ئه‌و پرۆژانه‌.
- سه‌باره‌ت به‌ كه‌مكردنه‌وه‌ی یانه‌كان، بڕیاردرا پرۆسه‌ی كه‌مكردنه‌وه‌ی یانه‌كان ده‌ست پێ بكرێت به‌پێی ئه‌و رێینماییانه‌ی كه‌ لێژنه‌ی تایبه‌ت به‌ كه‌مكردنه‌وه‌ی یانه‌كان ئاماده‌یان كردووه‌.
- پرۆسه‌ی هه‌ڵبژاردنی یانه‌كان به‌رده‌وامه‌ و له‌ ماوه‌ی داهاتوودا سه‌رجه‌م یانه‌كان هه‌ڵبژاردنیان بۆ ساز ده‌كرێت.
- سه‌باره‌ت به‌و هێرشه‌ به‌رده‌وامه‌ی كه‌ سه‌رۆكی پێشووی لێژنه‌ی رۆشنبیری و په‌یوه‌ندییه‌كانی په‌رله‌مانی كوردستان ئاڕاسته‌ی وه‌زاره‌تی وه‌رزش و لاوانی ده‌كات، ئه‌نجوومه‌نی وه‌زاره‌ت بڕیاری دا چیتر بێ ده‌نگ نه‌بێت له‌مه‌ڕ ئه‌و هه‌ڕه‌شه‌ و قسه‌ بێ بنامایانه‌ی ناوبراو.